Y Rhaglen

Yn ôl nodau'r rhaglen, dylai pob buddsoddiad helpu i wella ysgolion a deilliannau addysgol.  Felly, bydd disgwyl i awdurdodau lleol fuddsoddi arian lle bydd yr effaith fwyaf.  Yn ogystal â chodi ysgolion newydd, bydd yn bosibl adnewyddu'r rhai cyfredol gan gyflwyno cyfleusterau a thechnoleg sy'n ymateb i'r ffyrdd cyfnewidiol o ddysgu ac addysgu.

Dyma'r hyn sydd i'w gyflawni:

• mannau dysgu i blant a phobl ifanc rhwng 3 a 19 oed lle bydd modd cyflawni nodau strategaethau ar gyfer gwella ysgolion a deilliannau addysgol;
• cyfundrefn addysg gynaladwy trwy ddefnyddio adnoddau'n well fel y bydd adeiladau'r ysgolion yn fwy effeithlon a chost-effeithiol ac y bydd gwell gwasanaethau lleol ar gael i'r cyhoedd;
• safon Ysgolion yr 21ain Ganrif ar gyfer ysgolion Cymru i gwtogi ar gostau eu cynnal, yr ynni maen nhw'n ei ddefnyddio a'r carbon maen nhw'n ei ollwng.

Dogfen wybodaeth am y rhaglen

Mae'r ddogfen ar y dde yn rhoi rhagor o wybodaeth am y rhaglen:

• Cyflwyniad;
• Beth yw ysgol sy'n addas i'r 21ain ganrif?;
• Blaenoriaethu ac ariannu prosiectau;
• Cyflwyno rhaglenni amlinellol strategol;
• Cyflwyno dadl o blaid prosiect;
• Dewisiadau ynghylch caffael;
• Safon Ysgolion yr 21ain Ganrif?;
• Llywodraethu – rôl y gweinidog a bwrdd y rhaglen;
• Cymorth tîm y rhaglen;
• Cwestiynau sy'n cael eu gofyn yn aml