Ysgol Gynradd Plascrug - Aberystwyth

Mae'r cyfleusterau newydd wedi’u derbyn yn ffafriol iawn gan staff, llywodraethwyr a disgyblion yr ysgol. Mae pob gwagle yn estyniad yr ysgol yn cael eu defnyddio’n helaeth ac felly’n dangos hyblygrwydd y dull dylunio a'r defnydd helaeth llwyddiannus o olau naturiol ac awyru lle bo’n ymarferol.  Mae’r incwm amcangyfrifedig o osod celloedd ffotofoltäig trwy dariff cyflenwi trydan yn £513 y mis.

Parhaodd yr ysgol i gael ei defnyddio’n llawn trwy gydol y contract adeiladu, gan gynnwys cyfnod pan oedd adnewyddu mecanyddol a thrydanol helaeth yn cael ei gyflawni.

Ymgynghorwyd yn llawn â staff, disgyblion a llywodraethwyr yr ysgol trwy gydol y broses ddylunio ac yn ystod y cyfnod adeiladu. Cynhwyswyd ceisiadau am waith ychwanegol i’r cyfnod sylfaen a maes parcio newydd i staff o fewn y rhaglen.

Mae'r prosiect wedi bod yn gyfrifol am gael gwared â phob portacabin ac adeiladau dros dro o safle'r ysgol a oedd erbyn hyn yn hagr yr olwg ac yn anaddas ar gyfer addysgu.  Mae'r cyfleusterau newydd wedi creu tirnod addysgol deniadol newydd yn amgylchedd lleol Aberystwyth ac mae'r mannau addysgu newydd wedi darparu disgyblion a staff yr ysgol ag amgylchedd dysgu priodol er mwyn gwella eu haddysg wrth iddynt symud ymlaen drwy gyfnod allweddol 2.

Gwelwyd bod cyfranogiad cynnar gan staff yr ysgol, y rhieni, y llywodraethwyr a’r disgyblion trwy'r AALl i sicrhau ymgynghori adeiladol wedi profi’n werth mawr ar y prosiect hwn.  Bu ymgynghori parhaus drwy gydol cyfnod y contract nes bod y gwaith wedi’i gwblhau. Gwelwyd hefyd fod dadansoddi opsiynau’n systematig ar gyfer strategaethau effeithlonrwydd ynni wedi profi'n fuddiol iawn.